Prej çfarë kanë drojë meshkujt në takimin e parë…

Edhe pse meshkujt mbështeten në qëndrimin “i ftohtë si guri”, dr. Pol Dobranksi, autor i bestsellerit “Psikologjia e fshehtë e të dashuruarit”, thekson se ata në takimin e parë me një femër gjithsesi se i kaplon frika. Trema është vetëm një pjesë e asaj se si ndihen ata. Ekspertët zbulojnë se prej çka frikësohen më së shumti dhe si mundemi t’u ndihmojmë.
Takimi i parë është i mbushur me seriozitet dhe pasiguri. Relaksohuni, bisedoni hapur, për të dy do të jetë më e lehtë.
Pritjet e kundërta
Të gjithë kanë kaluar atë mësim: takimi ishte super, ishte sjellë me kujdes gjatë gjithë kohës, ju ka përcjellë deri në shtëpi dhe ishte xhentëlmen i vërtetë. Por, më pas nuk pason thirrja. Kjo sepse keni lënë përshtypje të kundërt nga ajo që ai ka pritur. Edhe imtësia më e vogël mund të jetë shkas që të moh takoheni më. Për shembull, keni konsumuar shtatë kokteje, edhe pse paraprakisht keni thënë se nuk pini shumë.
Çfarë duhet bërë: Pra, edhe nëse shkaku i nervozizmit keni konsumuar më shumë alkool, ai nuk e sheh kështu një gjë të tillë. Pra, për ta bindur që në takimin e parë se ju jeni e duhura, bisedoni me të rreth përvojave. Kjo do ta ftohë atmosferën.
Nuk është i vetmi?
Nëse del me vajzën e ëndrrave të tij, do të jetë shumë i tensionuar, por në të njëjtën kohë do të ndjejë edhe presion. Konkurrenca është një pengesë që nuk e dëshiron para tij. Prandaj, shumë djem kalojnë shumë kohë duke u pyetur nëse është i vetmi që e pushton vëmendjen tuaj. Ai nuk dëshiron që pas takimit me ju të dalë i lënduar, prandaj kërkon një lloj vërtetimi nëse jeni serioze në qëllimet e tij apo dilni vetëm nga mërzia apo sa për ta kaluar kohën.
Çfarë duhet bërë: Nëse me të vërtetë jeni e interesuar për djaloshin matanë rrugës, komentoni gjithçka që thotë, tregimet nga ushtria, pastaj ato nga ndeshjet e futbollit, palestra. Shtroni pyetje, do të zhvilloni komunikimin dhe ai do të jetë i qetë.
Kontakti fizik
Nëse takimi i parë kalon pa kurrfarë kontakti fizik, kjo mund të jetë shumë stresuese për djemtë. Për ta vlen një prekje e dorës, apo edhe një vallëzim. Ai dëshiron t’ju puthë dhe i nevojitet edhe shenja më e vogël për një gjë të tillë. Pra, nëse nuk i jepni një shenjë, mund ta shkatërroni vetëbesimin e tij.
Çfarë duhet bërë: Inicojeni kontaktin e parë. Nëse uleni pranë njëri-tjetrit prekeni dorën e tij gjersa bisedoni. Kjo është një shenjë e mjaftueshme.
Pa përsëritje?!
Po, edhe meshkujt imagjinojnë, planifikojnë, kështu që para se të porosisni pijen tjetër, ai pyetet nëse do të dilni përsëri së bashku.
Djemtë u përkushtohen takimeve sikur edhe punës. Detyra e tij është t’ju impresionojë, të sigurojë edhe takimin tjetër.
Çfarë duhet bërë: Nëse ai mashkull nuk ju pëlqen, nuk duhet ta inkurajoni. Por, nëse që në shikimin e parë ju ka pushtuar, atëherë bëjani me dije për ndonjë restorant, në të cilin do të donit të shkonit së bashku. Kjo mjafton ta kuptojë se planifikoni edhe më takime të përbashkëta, por ai duhet t’ju thërrasë i pari.

Kush t'tha se kan ndroje ?