14 vjeçari befason botën me lojën për iPhone

14 vjeçari Robert Nay ka bërë një mrekulli, lojën për iPhone, e cila përgjatë dy javëve është shkarkuar prej më shumë se 2 milionë përdoruesve të iPhone. Loja e amerikanit të vogël nga Utah quhet “Bubble Ball” ndërsa është vendosur në internet prej 29 dhjetorit të vitit të kaluar.

Kjo është një lojë mjaftë e thjeshtë, ku qëllimi është që topi të futet në portë prej pozicioneve të ndryshme. Mrekullia qëndron se i riu e prodhoi lojën në dhomën e tij pas konsultimit të librave të programimit. Ai tashmë ka nisur të punoj në lojën e re, ndërsa thotë se është sekret. Aplikacioni i lojës mund të shkarkohet falas. Po të paguhej një euro për të, i riu do të ishte milioner.