Cuche fiton për herë të dytë me radhë

Skitari veteran nga Zviceran Didier Cuche është fitues i garës së lëshimit të zhvilluar në Shamoni të Francës. Për Cuchen kjo ishte fitorja e dytë me radhë në lëshim që është dëshmi se ky skitar mirë e ka tempuar formën dhe kërkon që të shkëlqejë në Kampionatin Botëror në Ski Alpin që zhvillohet muajin e ardhshëm.

Cuche, 36 vjeçar, në këtë garë ishte për një hap më i mirë se konkurrenca dhe la prapa 21 - vjeçarin Dominik Paris nga Italia, kurse i treti përfundoi Klaus Kroll nga Austria.

Në renditjen e përgjithshme të Kupës së Botës Ivica Kosteliq vazhdon të prijë me 1078 pikë. Cuche tani është i dyti me 678, kurse Silvan Zurbriggen është i treti me 653 pikë.

1. Didier Cuche (Zvicra) 1:58,91

2. Dominik Paris (Italia) 0,67

3. Klaus Kröll (Austria) 0,88

4. Joachim Puchner (Austria) 0,91

5. Michael Walchhofer (Austria 1,01

6. Yannick Bertrand (Franca) 1,10

7. Beat Feuz (Zvicra) 1,20

8. Johan Clarey (Franca) 1,35

9. Romed Baumann (Austria) 1,36

10. Hannes Reichelt (Austria) 1,43