Facebook feston ditëlindjen e shtatë

Rrjeti më i popullarizuar për shoqërim në internet Facebook sot shënon shtatë vjetorin e ekzistimit.
Facebook ka filluar me punë më 4 shkurt 2004 dhe sot ka mbi 600 milionë në mbarë botën.

Ky rrjet për shoqërim në të njëjtën kohë është vendi më i popullarizuar për publikimin e fotografive, me mbi 14 milionë fotografi të reja të shtuar brenda ditës.



Themeluesi i Facebookut Mark Zuckerberg ka krijuar këtë rrjet për shoqërim derisa ishte student në Universitetin Harvard. Anëtarësimi fillestar në këtë faqe interneti ka qenë i lejuar vetëm për studentët e universitetit të Harvardit, të cilët me anë të saj kanë mundur të komunikojnë në mes veti dhe të shkëmbejnë informata.

Më vonë rrjetit i janë bashkuar shumë universitete, shkolla të mesme dhe kompani të mëdha në Amerikë, e më vonë Facebook është shtrirë në Evropë dhe mbarë botën.

Në disa shtete si Siria, Kina, Vietnami e Irani, qasja në këtë faqe interneti përkohësisht është e bllokuar.

Një prej problemeve ka paraqitur respektimi i privatësisë, i cili disa herë ka ardhur në pyetje.

Përkundër kritikave Facebook sot është shërbimi më i popullarizuar për shoqërim me numër në rritje të përdoruesve.