Kodet më të njohur të pazgjidhur

Nëse e keni parë filmin Dejvid Finçer “Zodiak”, atëherë i njihni me kodet pa zgjidhje të dërguara nga vrasësi i quajtur “Zodiak”.

Këto kode janë vetëm pjesë e disa kodeve pa zgjidhje që edhe sot e kësaj dite nuk janë zgjidhur.

Kodi “Bejl”:

Kodi “Bejl” është “kod letrar”, që nëse zgjidhet do t’ju dërgojë deri te pasuria me vlerë 65 milion dollarë, e varrosur në Kollorado. Kodi është i përbërë nga tri porosi që datojnë nga viti 1885. Besohet se pasuria ishte vënë nën tokë nga Tomas Xheferson Bejl. Ai ia ka besuar porositë të njohurit Robert Moris i cili më vonë është zhdukur, dhe për të nuk është dëgjuar më kurrë.

“Kodi letrar” është një lloj kodi që mund të zgjidhet me ndihmën e librit. Por jo me cilindo libër. Libri që është i lidhur me atë kod duhet patjetër të jetë botim i saktë, nga viti i saktë i botimit. Nëse nuk është, atëherë kodi është i padobishëm. Libri për zgjedhjen e këtij kodi nuk është libër, por Deklarata e Pavarësisë së ShBA-së. Deri më tani, nga tri porositë, është zgjedhur vetëm e dyta, që jep informata për pasurinë, por të gjitha përpjekjet për “gjurmuesit e pasurive” që ta gjejnë këtë pasuri të varrosur është treguar si e pasuksesshme.


Kodi “Dagapejef”:
Ky është njëri ndër kodet më misterioze që ende nuk është zgjidhur. Për herë të parë është publikuar në vitin 1939, më saktësisht në botimin e parë të librit “Kode dhe enigma” të hartografit Aleksandar Dagapejef. Është i përbërë vetëm nga numra, por autori më vonë ka pranuar se ka harruar si e ka krijuar kodin dhe arsyeja për shkak të së cilës ai ende nuk është zgjidhur është se beson se ka gabim në konstruktimin e tij.


Kodi “Shugboroj” :
Kodi “Shugboroj” është njëri ndër kodet më të vogla por më komplekse që janë bërë ndonjëherë deri më tani. Madje edhe lokacioni i tij është jo i zakonshëm. Përbëhet vetëm nga dhjetë shkronja: DOUOSVAVVM, të cilat janë të gravitura në përmendore në pronën e Shugborou Hall në Angli. Përmendorja ka qenë e ndërtuar midis viteve 1748 dhe 1763 nga ana e skulptorit të njohur të asaj kohe Piter Shemkers. Besohet se shkronjat janë akronime të shprehjes latine „Orator Ut Omnia Sunt Vanitas Ait Vanitas Vanitatem“, kurse një teori tjetër thotë se nëse kodi zgjidhet do të zbulohet vendi “Kupës së shenjtë”.

Kodi “Dorabela”:

Thone se njeriu i dashuruar bën punë të çuditshme. Por, një letër dashurie nga kompozitori i njohur Edvard Elgar për të dashurën e tij Dora Peni, e ka shndërruar atë porosi misterioze në një nga kodet më misterioze të të gjitha kohërave. Daton nga viti 1897 dhe është i përbërë nga gjithsej 87 karaktere të renditura në tri reshta. Besohet se ka qenë i krijuar nga një alfabet i shpikur që ka 24 shkronja.

Shenja e vetme është vetëm një pike, kurse qëllimi i tij, si dhe qëllimi i porosisë asnjëherë nuk është qartësuar. Personi të cilit i është dërguar letra, Dora Peni, asnjëherë nuk e ka kuptuar se çfarë ka dashur t’i thotë i dashuri i saj, kurse deri sot e kësaj dite asnjë person nuk ka arritur ta zbulojë përmbajtjen e porosisë./kuriozitete/