Internet në ajër

Operatori gjerman i telefonisë mobile Deutsche Telekom ka
njoftuar se në bashkëpunim me kompaninë ajrore Lufthansa dhe Panasonic
Avionics ka arritur që suksesshëm të zgjerojë shërbimin e vet të
internetit në aeroplanë.Shërbimi i emëruar FlyNet u mundëson
përdoruesve qasje të pakufizuar në internet gjatë fluturimit me anë të
rrjetit WiFi brenda aeroplanit (zhvillohet që dhjetë vite dhe në
fluturime të caktuara ka qenë në dispozicion edhe më herët). Lidhja
drejt internetit realizohet me anë të satelitit, e përdoruesve u është
mundësuar shpejtësia e bartjes së dhënave deri në 5 Mbit/s.Për parapaguesit e Deutsche Telekom çmimi i qasjes është 1.79 euro
për 10 minuta shfrytëzim, derisa të gjithë tjerët mund të paguajnë me
shfrytëzimin e kartelës së kreditit, me anë të operatorëve
telekomunikues nëse kanë marrëveshje për WiFi roming Deutsche Telekom
apo shfrytëzimin e miljeve shpërblyese nga programi Miles & More.
Çmimi standard me anë të kartelës së kreditit është 10.95 euro për
orë, respektivisht 19.95 euro për 24 orë të cilat përdoruesit mund t’i
shfrytëzojnë edhe në fluturimet tjera të Lufthansas të cilat mbështesin
shërbimin FlyNet si dhe në sallonet e aeroportet e kësaj kompanie
ajrore.
Aktualisht FlyNet ofrohet në fluturimet e përzgjedhura të Lufthansas
mbi Atlantikun verior, e deri në fund të këtij viti do të duhej të
ofrohej në pothuajse të gjitha fluturimet e Lufthansas në relacione të
gjata.