Francë, bëri ofertë për Mesin, pezullohet presidenti

Një lajmi i çuditshëm vjen nga Franca. Presidenti i skuadrës provinciale franceze, i apasionuar pas Leo Mesit, u pezullua nga Federata Franceze e Futbollit (FFF) pasi bëri një ofertë për yllin e Barcelonës, e cila u cilësua si “tallëse”.

Sedrik Enjolras, president i ekipit FC Borne që luan në ligën Haute-Loire, u dënua me gjashtë muaj nga FFF-ja pasi kjo e fundit nuk e priti mirë idenë e tij për t’i bërë ofertë Barcelonës për Mesin.

Tabloidi “The Guardian” raporton se federata nuk e lejoi FC Borne-n të bëjë publike ofertën, duke mos pranuar t’ia dërgojë atë federatës spanjolle . Pra Barça zyrtarisht nuk mori ofertë.

Iv Begon, kreu i zyrës së regjistrimit në Federatën Franceze të Futbollit, tha: “Nuk mund të pranohet një sjellje e tillë. Ndoshta është shaka, por ne po gjykojmë faktet”.

Nga ana tjetër, Enjolras shpjegoi arsyen pse vendosi të bëjë ofertën, duke thënë: “Për të bërë oferta nga klubet e vogla duhet të mbushësh formularë në internet. Vendosa të regjistroj një ofertë, shkruajta emrin Lionel Mesi, datëlindjen dhe klubin e tij. Pastaj kjo i kaloi federatës. Këta të fundit u tronditën dhe nuk pranuan t’ia nisin homologëve spanjollë. U pezullova gjashtë muaj, nga të cilët tre u hoqën. Ishte thjesht një shaka për t’u argëtuar me shokët”.