Vettel triumfon në Turqi

Renditjen e përgjithshme të ngasësve e kryeson Vettel me 93 pikë, duke e lënë pas Hamiltonin me 59 pikë, Webber 55 pikë etj. ndërsa renditjes së Konstruktorëve i prin Red Bull-Renault me 148 pikë, McLaren-Mercedes 105, Ferrari 65 pikë etj.

Piloti gjerman i Red Bull-it, Sebastian Vettel, ka dëshmuar vlerat e tija, duke e fituar Çmimin e Madh të Turqisë, e cila është zhvilluar në shtegun Istanbul Park . Vettel ishte më i mirë se rivalë të tjerë dhe kësisoj edhe zuri vendin e parë. Ishte kjo fitorja e tretë këtë sezon për Sebastian Vettel, që e zmadhon edhe më shumë diferencën ndaj përcjellësve të tij. Pas tij është renditur piloti tjetër i Red Bull, Mark Webber. Në fakt, garë e mirë ka qenë edhe për Fernando Alonson, i cili ngjitet në podium për herë të parë gjatë këtij botërori të Formulës 1.

Lewis Hamilton me Mclaren Mercedes ka përfunduar në vend të katërt, i ndjekur nga Nico Rosberg (Mercedes GP). Duhet thënë se paraqitje të dobët kanë pasur Felipe Massa me Ferrari (vendi i 11) dhe Michael Schumacher me Mercedes GP (vendi i 12).

Renditjen e përgjithshme të ngasësve e kryeson Vettel me 93 pikë, duke e lënë pas Hamiltonin me 59 pikë, Webber 55 pikë, ndërsa renditjes së Konstruktorëve i prin Red Bull-Renault me 148 pikë, McLaren-Mercedes 105, Ferrari 65 pikë etj.

Rezultatet

1. Vettel (Red Bull Renault) 1:30.17.558

2. Webber (Red Bull Renault) +8.8

3. Alonso (Ferrari) +10.0

4. Hamilton (McLaren Mercedes) +40.2

5. Rosberg (Mercedes) +47.5

6. Button (McLaren Mercedes) +59.4

7. Heidfeld (Renault) +1:00.08

8. Petrov (Renault) +1:08.01

9. Buemi (Toro Rosso)+1:09.03

10. Kobayashi (Sauber) +1:18.00

Renditja e përgjithshme e ngasësve

1. Vettel 93

2. Hamilton 59

3. Webber 55

4. Button 46

5. Alonso 41

6. Massa 24

Renditja e konstruktorëve

1. Red Bull-Renault 148

2. McLaren-Mercedes 105

3. Ferrari 65