104-vjecarja i lë trashëgiminë... një infermiereje

Ja që jo gjithmonë ndodh që pasuritë t’u lihen të afërmve

Kush nuk ka ëndërruar ndonjëherë për të pasur një trashëgimi ëndrrash? Eh, por ja që jo gjithmonë ndodh që pasuritë t’u lihen të afërmve. E ka treguar qartë rasti i Huguette Clark, milionerja 104-vjeçare që kishte një trashëgimi të majme dhe që vdiq një muaj më parë në një spital të New Yorkut. Si për çudi të të gjithëve, pasurinë ia la ta gëzojë jo më pak, por... infermieres, që u kujdes për të. Flitet për rreth 400 milionë euro pasuri, të paktën me sa kanë bërë të ditur avokatët e studios Holland & Knight, ndërsa plot 30 milionë do t’i shkojnë infermieries fatlume. Kurse pjesa tjetër do të përdoret kryesisht për hapjen e një fondacioni për promovimin dhe zhvillimin e artit, ashtu siç e kishte lënë ajo në testament.