Këshilltari i presidentit viziton minatorët e Bulqizës

Fatlum Nurja, këshilltar i presidentit të Shqipërisë, Bamir Topi ka
mbërritur mesditën e sotme në ambientet e minierës së Bulqizës. Ai do të
zhvillojë takime me minatorët, ku do të njihet nga afër me gjendjen
shëndetësore të grevistëve, të cilët prej 7 ditësh ndodhen të ngujuar
1400 metra nën tokë.

15 minatorët janë të vendosur për të vijuar grevën e urisë deri në plotësimin e kërkesave të tyre.

Të mbështetur edhe nga minatorët e tjerë, të cilët protestojnë
përpara ambienteve të “ACR”, ata kërkojnë rritjen e pagës, përmirësimin e
kushteve të punës si dhe uljen e moshës së pensionit.