Aeroporti i Tiranës shënon rritje të pasagjerëve

Aeroporti Ndërkombëtar i Tiranës (TIA) ka patur një performancë të shkëlqyer në gjashtëmujorin e parë të këtij viti.


Aeroporti ka shënuar 23 përq ind rritje në shifrat e pasagjerëve,
10.6 për qind rritje në lëvizjet e trafikut ajror (ATM) dhe përpunimi i
mallrave u rrit me 17.7 për qind krahasuar me po të njëjtën periudhë të
vitit të kaluar.


Nga janari deri në qershor TIA u ka shërbyer 793,984 pasagjerëve, një
shifër mbresëlënëse e cila tregon standardet e larta të shërbimit të
ofruara nga Aeroporti.


Sipas nëj komunikate për media, TIA gjithashtu shënoi 10,352 lëvizje
të ATM-ve dhe përpunoi 1,084 tonë kargo. "2011 ta ka qenë vit
ndryshimesh të mëdha, jo vetëm për Aeroportin i cili është një nga
portat kryesore për në Tiranë, por dhe për të gjithë vendin.
Liberalizimi i vizave ka ndikuar ndjeshëm në kompaninë tonë: ka sjellë
rritjen e fluksit në kërkesën vendase për të fluturuar, dukuri kjo e
cila ka rritur e ofertat dhe numrin destinacioneve nga kompanitë
ajrore", tha Rolf Castro Vasquez, Drejtor i Përgjithshëm i Operacioneve
në TIA.


Linjat ajrore të cilat kanë shënuar fluksin më të madh të pasagjerëve
janë: Belleair (46.2%), Alitalia (9.6%), Albanian Airlines (9.1%),
Austrian Airlines (6.1%) dhe Turkish Airlines (4.2%).


Sot në TIA operojnë katërmbëdhjetë linja ajrore të cilat e lidhin
kryeqytetin shqiptar me 35 destinacione të ndryshme duke përfshirë këtu
Brukselin, Barcelonën dhe Parisin, të cilat u përuruan këtë vit për
sezonin e verës.