Vazhdojnë punimet për Unazën e Madhe të Tiranës

Stina e thatë e verës po favorizon punimet për ndërtimin e Unazës së Madhe te cilat po kryen me ritme te shpejta.

Pranë Kopshtit Botanik, aty ku është vija e verdhë, që ndan Komunën
Farkë me qytetin e Tiranës po bëhen punimet për ngritjen e një
mbikalimi.


Faza e parë e projektit të ndërtimit të Unazës së Madhe ka një
gjatësi prej 5.5 kilometrash. Unaza e Madhe do të ketë disa mbi kalime
dhe nen kalime. Mbikalimi i parë do të jetë në rrugën ekzistuese që
zbret nga Sauku i vjetër deri te Liqeni artificial.


Mbikalimi i dytë do të jetë në mes të fshatit Sauk i Vjetër, ku është
aktualisht dhe rrugë funksionale. Ka edhe disa rreth-rrotullime, një
prej të cilave pranë Digës së Liqenit. Qeveria ka lëvruar dhe fondin
prej rreth 5.5 milionë dollarë për shpronësimin e pronarëve që preken
nga ndërtimi i Unazës së Madhe.


Kjo Unazë rreth 20 km e gjate do të kontribuoje edhe për zbutjen e
trafikut në kryeqytet. Kjo falë rreth rrotullimit që po ndërtohet në
Lundër dhe që do të bëj të mundur që automjetet që do të vijnë nga Jugu
të kalojnë përmes unazës së madhe.


Ndërhyrja nga ana e qeverisë dhe miratimi i nisjes së punimeve në dy
nyje të unazës kanë bërë që sot te kryen punime me intensitet të lartë
në dy segmentet : aty ku bashkohet qyteti i Tiranës me Komunën e
Paskuqanit dhe aty ku bashkohet vija e verdhë e qytetit me Komunën e
Farkës.

Ndërkaq kanë marrë fund edhe përplasjet midis Bashkisë dhe pushtetit
qendror pasi ndërtimi i kësaj unazë është shënuar nga Lulzim Basha si
një nga prioritetet e punës së tij që do t’a çlirojë qytetin nga
trafiku.