Angli-Holandë, anulohet miqësorja

Miqësorja e Anglisë kundër Holandës që do të luhej nesër në Uemblli është shtyrë për shkak të protestave të dhunshme në Londër.

Federata angleze e Futbollit komunikoi lajmin në faqen zyrtare të
saj, ku saktësohet se edhe ndeshjet e Carling Cup janë shtyrë për në
ditët e mëvonshme.


Drejtori menaxhues i Federatës së Futbollit, England Adrian Bevington, në një mesazh në Twitter ka shkruar:


“Më vjen keq që ndeshja do të anulohet, por nga kontaktet që kemi pasur me policinë, mund të them se ky ishte vendimi i duhur”.


Edhe kreu i federatës holandeze, Bert van Oostveen tha se, “pas
ngjarjeve në Londër, policia nuk mund të garantojë sigurinë edhe të
lojtarëve, edhe të tifozëve tanë”.