Minatorët e Bulqizës, 3 javë grevë urie në thellësitë e minierës

Minatorët e Bulqizës kanë hyrë sot në ditën e 21 të grevës së urisë.
13 minatorë të ngujuar në thellësinë 1400 metër nën tokë mbyllin sot
javën e tretë të grevës, me anë të të cilës kërkojnë plotësimin e një
sërë kërkesash si rritja epagës, përmirësimi i kushteve të punës, ulja e
moshës së pensionit etj.
Pavarësisht takimit të së premtes me administratorin e kompanisë
koncesionare ACR, asgjë konkrete nuk është bërë deri tani për zgjidhjen e
situatës. Ndërkohë që gjendja shëndetësore e minatorëve grevistë
paraqitet e rëndë, akoma nuk ka sinjale për arritjen e një marrëveshjeje
me kompaninë.

Ndërkohë, një ditë më parë, minatorët u vizituan nga përfaqësues të
Aleancës Kuq e Zi, të cilët i bënë thirrjen qeverisë për hetimin e
koncesioneve skllavëruese që po shkatërrojnë pasuritë kombëtare