Aksident në Itali, shqiptari i dehur vret 4 persona

Mediat italiane raportojnë vdekjen e katër personave si pasojë e një
aksidenti tragjik që është shkaktuar nga një shqiptar i dehur në
autostradën Xhenova- Voltri Sempine të Italisë.

Makina në të cilën udhëtonte një shqiptar është përplasur me dy
makina të tjera, njëra prej të cilave me të rinj francezë që ishin nisur
drejt Sllovenisë. Mjeti, Opel Astra është përplasur përballë me mjetin
Audi Suv Q7 që drejtohej nga shqiptari.

Shqiptari, emri i të cilit ende nuk bëhet i ditur, kishte rezultuar
pozitiv ndaj testit të alkoolit. Në makinën Opel Astra me targa franceze
udhëtonin 3 vajza e dy djem, më i madhi 27 vjeç. Policia dhe
zjarrfikësit kanë nxjerrë trupat e vdekur nga makina e shkatërruar
ndërsa vazhdon të merret në pyetje shqiptari.

Sipas policisë rrugore që ka analizuar trajektoren që ka bërë
fuoristrada, shqiptari pasi ka ecur qindra metra në drejtim të
Alesandrisë, ka kthyer papritur makinën në drejtim të kundër për tu
drejtuar drejt Xhenovas. Fillimisht fuoristrada është përplasur me një
Pezho duke e goditur në pjesën anësore të saj më pas është përplasur
përballë me Opelin në të cilin udhëtonin 5 të rinjtë francezë.

Sipas testit të alkoolit, shqiptari kishte konsumuar pije alkoolike 3 herë më shumë se limiti i lejuar.