PS ankimon ligjin në Kushtetuese për Piramidën

Partia Socialiste (PS) ka ankimuar ligjin për ngritjen e kompleksit
të ri parlamentar, që parasheh shembjen e Piramidës në gjykatën
Kushtetuese, duke e cilësuar atë antikushtetues.

Depozitimi i ankesës për ligjin në fjalë është bërë sot nga deputeti
socialist Taulnat Balla, që në emër të PS-së kërkon marrjen në shqyrtim
nga Kushtetuesja të këtij ankimimi.

Ankimimi në Kushtetuese për mos shembjen e Piramidës u hartua nga 33
deputetë të PS-së. Sipas tij, një ligj i tillë bie ndesh me Kushtetutën e
vendit, e si i tillë nuk mund të gjejë zbatim.