4 muaj pas votimit mbyllet odiseja e 8 majit

Më në fund odiseja e zgjedhjeve lokale të 8 majit duket se do të marrë
fund. Kolegji Zgjedhor ka dhënë edhe vendimin për ankesën e fundit që
kishte të bënte për zgjedhjet në komunën Shalës në qarkun e Shkodrës.

Kolegji e rrëzoi kërkesën e Partisë Demokratike për shpalljen si të
pavlefshme rezultatin, ku kandidati i Partisë Socialiste doli fitues me
dy vota më shumë.

Tashmë i hapet rruga Komisionit Qendror Zgjedhor të të “vulosi”
përfundimin e zgjedhjeve të 8 majit dhe në këtë mënyrë të shpalli
rezultatin e përgjithshëm të tyre.