Fjolla Morina në dashuri nuk ka rëndësi nacionaliteti!

Karriera muzikore po i shkon mrekullueshëm, mirëpo si duket nuk ngopet me kaq, ajo po kërkon diçka më shumë nga vetja, diçka që s’e ka provuar deri më tani. Fjolla Morina tani ka vendosur të udhëtoj për në Kaliforni për të ndjekur një shkollë aktrimi dhe për ta sprovuar veten edhe në këtë profesion. “Ka disa ditë që jam duke u përgatitur për të udhëtuar në Kaliforni, ku përveç që do ta vizitoj motrën time dhe mbesën e vogël Hayley Nicole, do të vijoj mësimet në një shkollë aktrimi, ku më pas do të filloj të merrem edhe me aktrim” ka thënë ajo për “Zëri”.

Fjolla nuk do të hezitoj të pranoj ndonjë ofertë qoftë për të qenë pjesëmarrëse në ndonjë film, ajo pas përfundimit të shkollës mendon që të nisë menjëherë me projekte filmike. “Shpresoj që aktrimi të më sjellë sukses.

Mendoj që të jem pjesë e ndonjë projekti filmik në Kaliforni apo edhe diku tjetër”, thekson ajo. Fjolla shpreson që fati t’i buzëqesh në këtë profesion, mbase edhe në jetën e saj private, nëse do të takojë djaloshin e ëndrrave të saj atje nuk do ta refuzoj.

“Fatit nuk i dihet mund ta takojë djaloshin e duhur për mua edhe në Kaliforni, kjo nuk do të më pengonte, madje as nacionaliteti nuk ka rëndësi për mua, thjeshtë të më dojë dhe ta dua ashtu siç është”, është shprehur në fund ajo. Edhe pse ka nisur aktrimin Fjolla nuk do të shkëputet nga kënga, ajo për këtë fundvit do të paraqitet me projekte të reja muzikore.

Kastriote Bajrami Gazeta Zeri