Tani e teprove Lori!...

Tashmë është vënë re nga të gjithë që klipet e Lorit, këngëtares nga Durrësi kanë në fokus vetëm një detaj, sytë e saj. Është e vërtetë që sytë e kaltër janë ato që vërehen më shumë tek këngëtarja simpatike, që të gjithë ia pëlqejnë dhe se për këtë ajo ndihet mirë. Në shumë intervista Lori është shprehur se pika e saj e dobët janë sytë. E duke u nisur nga kjo, përgjatë gjithë këngës në klip Lorit i fokusohen sytë, ndërsa fansat në forume të ndryshme reagojnë duke u shprehur se një gjë e tillë tek ajo tashmë ‘ është bërë bozë’. Shikuesit dhe ndjekësit e mirë të muzikës i sugjerojnë Lorit që në klipet e ardhëshme, një gjë e tillë të jetë e shfaqur më pak, sikurse shprehen se këngëtarja me apo pa dashje e ka tepruar.