Shqiptarët, dështojnë të përfaqësojnë Zvicrën në Eurosong!

Janë bërë publike rezultatet e kandidatëve të cilët janë kualifikuar për në garën finale për të përfaqësuar Zvicrën në Eurosong 2012. Por fatkeqësisht janë eliminuar të tre shqiptarët që shpresonin të ishin pjesë e kësaj gare. Shanset për ta edhe ashtu ishin shumë të vogla, pasi në këtë konkurrim ishin 217 këngë që kandidonin, dhe nga këto janë nxjerr vetëm 4 këngë finaliste. Kënga e Valtonit dhe Albanës ishin pop dance, këngë të cilat nuk adhurohen nga publiku zviceran. Po me këngë të njëjtës rrymë ishte edhe Genta vitin e kaluar në ketë gare, kur edhe ajo nuk arriti te kualifikohej. Për Orgesën ishin shanset më të mëdha, pasi kënga e saj u pëlqye shumë dhe ishte një kënge e freskët. Orgesa e kishte shkelur skenën e Eurovizionit në vitin 2009, si zëri i dytë i Kejsi Tolës.