Dafina Zeqiri ndahet nga Krenari?

Një lidhje dashurie e shumë përfolur e çiftit Dafina Zeqiri dhe Krenar Çoçaj, duket se ka shijuar fundin e saj. Burime të afërta me çiftin kanë pohuar për Telegrafi se dyshja nuk janë më bashkë, por nuk dhënë arsye për ndarjen e tyre. Telegrafi ka provuar të kontaktojë me Dafina Zqirin, por telefoni i saj ishte i fikur. Lajmi i ndarjes së Dafinës dhe Krenarit vjen pak para lansimit të videoklipit më të ri të këngëtares, që pritet të vijë këtë muaj, dhe albumit të saj të ri, që pritet të del në dhjetor. Dyshja edhe më herët ka qenë cak i spekulimeve për ndarje, por vetë e kishin mohuar këtë. Së fundi u tha se ata presin lansimin e albumit më të ri të Dafinës për të konfirmuar ndarjen.

Shtyhet xhirimi i klipit “D&G”

Ishte përfolur shumë kohëve të fundit bashkëpunimi mes këngëtares Dafina Zeqiri dhe Getoar Selimit, por si duket fansat duhet të presin.

Videoklipi i këngës kishte për tu xhiruar javën e kaluar në Stockholm, por kjo nuk ndodhi. Sipas Getoarit arsyet e shtyrjes janë për shkak të angazhimeve tjera.

“Javën e kaluar kam qenë i angazhuar me xhirimet e klipit “High” së bashku me grupin Skillz, prandaj nuk është xhiruar edhe klipi i këngës “D&G” në bashkëpunim me Dafina Zeqirin”, ka thënë Geti për Telegrafin.

Por, Geti shtoi se kësaj kënge do t’i bashkëngjitet edhe klipi, por që kur do të realizohet ende nuk dihet.

“Klipi i këngës do të përfundojë, por ende nuk dihet se kur”, përfundoi bosi i Baba Stars. /Telegrafi/