Fjalëkalimet më të këqija: “Password” dhe “123456”

Kompania SplashData nga Kalifornia thotë se fjalëkalimi (password-i) më i shpeshtë që e përdorin shfrytëzuesit e rrjetit social Facebook është fjala “password”.

SplashData, ka ftuar të gjithë ata që e përdorin si fjalëkalim fjalën “password” ose ndonjë fjalëkalim tjetër të pasigurt në listën që e ka publikuar sikurse janë “123456”, “abc123”, “iloveyou” etj. Që menjëherë ta ndryshojnë atë në ndonjë më të sigurt.

"Hakerët munden shumë lehtë të thyejnë llogari të ndryshme duke përsëritur fjalëkalimet e shpeshta," thotë Morgan Slain, shef i ekzekutivit të SplashData. "Edhe pse njerëzit inkurajohen që të krijojnë fjalëkalime të vështira, shpesh vendosin ti përdorin ato që lehtë qëllohen, duke ju nënshtruar rrezikut nga mashtrimet dhe vjedhja e identitetit."

SplashData së fundit ka dal me një listë të fjalëkalimeve të rrezikuara, pasi që rrjeti social Facebook ka njoftuar se hakerët provojnë të thyejnë rreth 600,000 fjalëkalime në ditë. Rrjeti social Facebook ka rreth 800 milion anëtar.