Miss Turqia fiton kurorën e bukurisë në Kosovë!

Ka përfunduar evenimenti “Miss Freedom of the World”, që sivjet është mbajtur për herë të parë në Kosovë. 15 bukuroshe nga vende të ndryshme të botës kanë defiluar në skenë në hotelin Grand. Miss Turqia, Gylçin Karakush është zgjedhur “Miss Freedom of the World” 2011. Përcjellësja e parë është zgjedhur Miss Sllovakia, përcjellësja e dytë ajo Miss Maqedonia, e treta Miss Kosova, Artana Bytyqi nga Suhareka, dhe përcjellësja e katërt Miss Anglia. Miss veshja popullore është zgjedhur Miss Koreja, Miss press - Holanda, Miss photogenia - Miss Rusia, Miss Eleganca - Miss Kroacia, Miss Bikini - Miss Namibia. Organizator i kësaj ngjarjeje ka qenë Shoqata e manekinëve ‘Freedom’ nga Prizreni. Si raporton Indeksonline, pjesëmarrëse në këtë eveniment kanë qenë bukuroshet nga Kosova, Shqipëria, Mali i Zi, Maqedonia, Sllovakia, Rusia, Holanda, Kanadaja, Kroacia, Koreja, Maqedonia, Sllovenia, Anglia, Bullgaria, Turqia dhe Namibia.