Muzika është jeta e tij!

Ardian Bujupi nga margjinat e një lagjeje në Gjermani doli të jetë njëri prej talenteve më të mëdhenj në shtetin më të fuqishëm të Evropës. Ai ishte i favorizuari në emisionin e Dihter Bohlen, “Gjermani kërkon super-yllin”, por për dallim nga yjet që pas këtij emisioni nuk përjetojnë sukses të madh, ndryshe është me Ardianin. Ai promovoi albumin e tij “To the Top” në fund të vitit dhe tani dëshiron të jetë sa më lart në klasifikimin e top-listave nëpër botë. Eh…suksesi në këtë fundvitit pritet të jetë i Ardianit. “Albumi ka stile të ndryshme, përfshirë muzikë për klube, por edhe balada. Mund të them se është një album me zhanër të muzikës pop dhe R&B, që janë më të adhuruarat në botën moderne”, thotë për Prominent24.de Ardiani pas një pune të rëndësishme gjatë këtij viti.

Ai thotë se ka pasur edhe producentë që i janë ofruar për të punuar më të. “Të gjithë më ofrojnë instrumentale. Madje nuk janë vetëm producentë amerikanë, por edhe producentë të Ballkanit. Por, zgjedh të punoj me producentë që kanë famë ndërkombëtare”, thotë ai pas një pune të palodhshme njëvjeçare për realizimin e albumit të tij.

Sa i përket muzikës, Ardiani thotë se dëshiron që në të të reflektohet edhe vetja e tij. Ai thotë se në tekstet e tij ka nuanca interesante duke filluar nga “This is My time”, që është kënga e parë e tij e deri te këngët që provokojnë ndjenjat, siç janë baladat.

Kur është puna te çikat dhe party-t nëpër Gjermani, ai thotë se edhe për to ka këngë që janë ilaç shërimi. “Absolutisht këngët e mia janë të këtilla”.

Ardiani nuk është i dashuruar, edhe pse e konsideron dashurinë si dika të shenjtë, përderisa përsërit se albumi është duke ecur mirë në top-listë dhe në faqet ku shiten këngët online si në iTunes dhe Amazon.

Kurse, sa i përket ndonjë turneu, ai thotë se planifikon të ketë koncerte të shumta pas promovimit të albumit, që i bie në vitin 2012 ta bëjë këtë. “Përfundimisht, po. Nëntori dhe dhjetori ishin të këtillë, kurse tani presim edhe shfaqje dhe koncerte të tjera”.

I njohur si një karakter egocentrik, kur kishte probleme me Pietro Lombardi gjatë dhe pas emisionit, ai thotë se prishja me labelin e parë, me të cilin është dashur t’i bënte këngët, e ka bërë atë paksa të palumtur. “Isha i palumtur me situatën e Pietros, por unë bëra timen. Gjeta mbështetje nga një label tjetër dhe gjërat ecën për mrekulli”, thotë ai.

Pas paraqitje në DSDS, pati paraqitje edhe në festivalin “The Dome”, ku u prit mirë nga shumë njerëz atje. Ai thotë se edhe shumë këngë të tjera priten nga ai.

Po ashtu Ardiani nuk harron edhe Kosovën. Familja e tij është nga Kosova, madje ai është lindur në Kosovë. “Pasi kemi ardhur këtu, atje ka ndodhur luftë. Edhe atëherë familja ime vuante nga lufta atje. Por, mbështetjen e gjetëm këtu në Gjermani. Muzika ishte mbështetja më e madhe. Madje, edhe njëri prej producentëve të mi është nga Prishtina, me të cilin kam bërë disa këngë”, thotë Bujupi, duke shtuar se ka edhe traditë muzikore në familjen e tij.

Në VIVA, Bravo …

Pas një viti të suksesshëm, Ardianin mund ta gjeni edhe në televizionet dhe revistat më të famshme. Ai është në revistën e njohur gjermane Bravo, ku pritet të paraqitet në faqen e parë të kësaj reviste. Pas nuk do të mbetet edhe televizioni më i njohur për muzikë në Gjermani “VIVA”, në të cilin Ardiani pritet të marrë pjesë në disa emisione.

Do të këndoj edhe shqip

“Në albumin tim të dytë do të këndoj, do të ketë më shumë artistë të ftuar. Po ashtu, pos muzikës, do të bashkëpunoj edhe me artistë shqiptarë dhe do të këndoj këngë edhe shqip. Ka shumë njerëz që krenohen me mua në Kosovë dhe dëshiroj që edhe ata t’i bëj të lumtur dhe të ndihen të nderuar për mua”, ka thënë Bujupi.