Flori Mumajesi, bashkëpunimin e radhës me 2po2!

Reperi Besnik Canolli, i njohur si 2po2, i cili që nga viti 1995 është i angazhuar në hip-hopin shqiptar, nuk ndalet së krijuari hite të reja. 2po2 për datën e të dashuruarve, pra më 14 shkurt, do të sjellë një këngë të re. “Gjithë jetë” titullohet kënga, e cila flet për dashurinë e një çifti. Kjo këngë është në bashkëpunim me këngëtarin dhe kompozitorin e njohur, Flori Mumajesi. Teksti i këngës është realizuar nga vetë reperi, muzika nga Flori, ndërsa klipi do të realizohet nga “Entermedia”. Për 2po2 dhe Florin, ky nuk është bashkëpunimi i parë, pasi ata kanë realizuar edhe më herët këngën “Crazy girl”. Reperi 2po2, gjatë vitit 2011, realizoi albumin “Authentic” dhe shumë këngë prej këtij albumi u bënë hite. Me siguri që, edhe ky bashkëpunim do të jetë shumë i suksesshëm.