A e njihni rrezikun në shtëpinë tuaj?

Detergjentet e rrobave dhe enëve, zhbllokuesit e lavamanit, pastruesit e furrave dhe tualetit, shampot, spreit e dhomave…të gjitha produkte pastrimi të përdorura nga ne në shtëpi. Sipas një studimi të zhvilluar bëhet e ditur se kimikatet që mbajmë në shtëpi i hapin rrugë shumë sëmundjeve serioze duke filluar nga steriliteti, kanceri, shqetësimet e veshkave dhe mushkërive, deri tek çrregullimet psikologjike.

Sa të sigurta janë produktet e pastrimit që mbajmë në shtëpi? A e dini se krahas efekteve të thjeshta anësore që shkaktojnë këto kimikate, janë edhe shkaktarë të sterilitetit, kancerit, alergjive, problemeve të lindjes dhe çrregullimeve psikologjike. Specialistët pohojnë se lënda kimike e njohur si PFC që gjendet tek shumë produkte kozmetike, ul faktorin e lindshmërisë tek femrat. Në studimin e zhvilluat tek më shumë se njëmijë gra shtatzëna u zbuluan kimikatet Per floro (PFC) në një sasi të lartë në gjak. PFC-të përdoren në ujë, ndotësi dhe prodhimin e lëkurës apo copave të forta. Krahas kësaj mund të gjendet dhe tek manikyrat, kolinozët dhe njomësit e lëkurës.

Krahas sterilitetit produktet e pastrimit mund të shkaktojnë dhe dëmtime neurologjike, të mëlçisë dhe veshkave, probleme serioze si kanceri, verbimi dhe azma. 75 % e 15 mijë lëndëve kimike më të përdora nuk janë testuar për shkallën e helmimit. 150 mijë lëndët kimike që gjenden në një shtëpi bëhen shkak i çrregullimeve psikologjike, kancerit dhe problemeve të lindjes. Përveç kësaj 884 produkte nga ato kozmetiket janë helmuese. 146 shkaktojnë kancerin, 218 prej tyre çrregullime të organeve riprodhuese, 314 mutacionin gjenetik dhe 376 prej tyre shkaktojnë dëmtime të syrit dhe lëkurës.

Me hyrjen e kimikateve helmuese në jetën tone është rritur dhe niveli i helmit të mbledhur në gjëndrat e yndyrës. Studime të tjera tregojnë se helmet e mbledhura në trup na shoqërojnë për gjatë gjithë jetës.

Zhbllokuesit e lavamanit, pastruesit e furrës dhe tualetit shumë të rrezikshëm

Tre produktet më të rrezikshme të pastrimit: zhbllokuesit e lavamanëve, pastruesit e furrës dhe pastruesit acidikë të banjës. Zakonisht aksidentet në shtëpi ndodhin nga përzierja e ilaçeve zbardhuese me produkte që përmbajnë amoniak. Në këtë mënyrë del në pah një përzierje kloramin. Nëse zbardhuesi me klor përzihet me pastruesit e banjës me përbërje acide atëherë përftojmë një gaz klori shumë të rrezikshëm. Personat që vuajnë nga azma, sëmundjet kronike të mushkërive dhe zemra nuk duhet të përdorin produktet me amoniak. Ndonjëherë këto produkte mund të shoqërohen me erë limoni për të hequr erën e fortë. Kjo është një praktikë e gabuar, sepse era e fortë është një shenjë treguese që paralajmëron blerësin në mosblerjen e një produkti të tillë.

Një tur i shpejtë mes helmit në shtëpi

Zbardhues me klor: nëse përzihet me amoniak përftohet gazi kloramin. Nëse personi ekspozohet për një kohë të gjatë ndaj gazit atëherë mund të lindin probleme serioze në frymëmarrje dhe të shfaqen shenja të azmave.

Shkëlqyes metali: ekspozimi për një kohë të shkurtër shkakton turbullim kalimtar në sy, nëse ekspozohet për një kohë të gjatë mund të shkaktohen probleme më serioze si dëmtim të sistemit nervor, lëkurës, veshkave dhe syve.

Pastruesit e xhamave shkaktojnë dhimbje koke dhe dëmtim të mushkërive, syve.

Dezinfektuesit: shkaktojnë diarre, humbje ndjenjash, marrje mendsh dhe dëmtim të veshkave dhe mëlçisë.

Pastruesit e mobilieve dhe dyshemesë: humbje të ngjyrës së lëkurës, marrje fryme, të vjella. Gjithashtu mund të lidhet dhe me kancerin dhe problemet në lindje.

Heqësit e njollave dhe pastruesit e tapetave: nëse gëlltiten dëmtojnë mëlçinë dhe veshkën. Janë kancerogjenë.

Pastruesit e tualetit: djegie në lëkurës, nëse gëlltitet diarre dhe djegie të stomakut.

Zbutësit: disa parfume mund të dëmtojnë personat me një metabolizëm të ndjeshëm. /Start/