Surprizat e “Dancing With The Stars Albania 3”!

Spektakli i vallëzimit “Dancing With The Stars Albania” tashmë ka filluar përgatitjet për edicionin e tij të tretë. Producentja Holta Dulaku bashkë me stafin e saj kanë filluar të punojnë mbi spektaklin që në fillim të muajit janar. Nga informacionet që ne kemi, marrëveshjet me personazhet VIP që do të marrin pjesë në konkurrim janë pothuajse të mbyllura tashmë. Lart e poshtë janë diskutuar shumë emra të njohur, por nga vetë stafi i “Dancing” nuk është dhënë asnjë konfirmim deri tani. Kjo për sa i përket konkurrentëve, sepse prezantuesit janë konfirmuar zyrtarisht. Amarda Toska dhe Ermal Mamaqi do jenë prezantuesit e këtij edicioni të tretë. Shumë kuriozitet kanë ngjallur edhe emrat e anëtarëve të jurisë, dy prej të cilëve kanë mbetur të pandryshuar. Pra yjet do të vlerësohen sërish nga Ilir Shaqiri dhe Iva Tiço.

Surpriza është anëtari i tretë të cilin ne e kemi zbuluar dhe na pëlqen. Ai do jetë z. Alfred Kaçinari, i cili ndoshta për herë të parë në karrierën e tij nuk do vlerësojë zërin, por këmbët. Do presim për të parë se si do përshtatet Alfredi bashkë me rreptësinë natyrale që e karakterizon në vlerësimin e kërcimeve.

Për sa i takon emrave të VIP-ave shqiptarë që do kërcejnë, emrat që janë diskutuar janë të shumtë megjithatë ne kemi arritur të zbulojmë disa prej tyre. Afërdita Dreshaj, Bujar Kapexhiu, Dren Abazi, Adrijan Gaxha, Eranda Libohova. Këto janë emrat që deri tani na kanë ardhur në vesh si konkurrentë të sigurt. Javë pas jave do mundohemi të zbulojmë emra të tjerë, deri me fillimin e spektaklit që pritet të startojë në muajin mars. Bluetooth