Përzgjidhen finalistët e “The Voice of Albania”

Enrika, Lundrimi, Rina dhe Marsela janë finalistët e ‘The Voice of Albania’. E premtja ishte një mbrëmje plot emocione, supriza, performanca të shkëlqyera, ku nuk mungoi spektakli e atmosfera madhështore në sajë edhe të këngëve të sjella plot pasion dhe entuziazëm nga trajnerët dhe pjesëtarët e skuadrave. Publiku nga shtëpia, si dhe trajnerët dhanë mbështetjen e tyre për këngëtarët që donin t’i shihnin në natën finale të kësaj gare të madhe muzikore organizuar nga Top Channel. Në gjysmëfinale, ndaluan rrugëtimin e tyre Xheraldina, Driloni, Arilda dhe Ylli. Të katërt këta ish-konkurrentë falenderuan trajnerët e tyre për ndihëm dhe punën që bënë për suksesin e arritur, si dhe publikun që i mbështeti, pa harruar gjithashtu edhe familjet respektive.