Kjo është shqiptarja që synon “Miss World Sweden 2012”

Doruntina Hoxha është një nga konkurrentet më të forta për kurorën e “Miss World Sweden 2012”. Vajza bukuroshe shqiptare thotë se është shumë ambicioze në jetë. “Jam një person shumë i çiltër dhe pozitive. Gjithmonë që e vogël kam dëshiruar të bëj diçka të rëndësishme në jetë”, thotë Doruntina për veten e saj,citon "Mapo". Në faqen zyrtare të këtij eventi bukurie ajo ka hedhur edhe një foto me çifteli, duke u ndjerë kështu krenare për origjinën e saj shqiptare. Doruntina është 18 vjeçe dhe në këtë garë ajo mban vendin e dytë sa i përket votave të publikut.