Fjolla Morina prezanton vajzën nga martesa e parë!

Kanë kaluar shumë vite që kur ajo është bërë nënë, ndryshe nga shumë këngëtare, të cilat edhe pse me më shumë vite se ajo, po shijojnë karrierën, por jo kënaqësitë e të qenët nënë. Fjolla Morina ka qenë shumë e re kur është bërë nënë. Deri në këto momente, këngëtarja e re kosovare nuk ka dashur të bëjë publik faktin që ka një vajzë dhe është bërë nënë në moshë të re, ndërsa më pas ka filluar karrierën intensive. Tani, pasi ka publikuar lidhjen e re të dashurisë me biznesmenin Kushtrim Geci, ajo ka marrë guximin të shfaqë në publik edhe vajzën e saj Ledianën, të cilën e ka nga martesa e parë me po një tjetër biznesmen, Naser Sekiraqa, me të cilin ishte ndarë para shumë viteve për shkak të mosmarrëveshjeve. Rritja dhe edukimi i vajzës nuk e ka penguar Fjollën që të krijojë karrierë si këngëtare, duke realizuar çdo vit shumë klipe e koncerte. Lediana është rritur dhe ka filluar të ndjekë mësimet në shkollën fillore, kurse e ëma nuk e ka harruar aspak. Ka tipare të së ëmës vetëm se bionde në krahasim me Fjollën, e cila është më shumë zeshkane. /PanoramaPlus/