“Classic Boys”: Fillimi i mbarë, gjysma e punës!

Jorgji, Ilsi dhe Geraldi, anëtarët e grupit “Classic Boys” ishin të parët që prekën skenën e “X Factor Albania”, të dielën që lamë pas. “Fillimi i mbarë është gjysma e punës”, na thotë Isli për natën e parë, ndërsa uron gjithë konkurrentët të kenë suksese në skenën e madhe! Me një interpretim të shkëlqyer të hitit botëror “New York, New York”, “Classic Boys” rrëmbyen duartrokitjet e publikut, ndërsa këtë të diel vijon sfida e madhe. Po si e kanë përjetuar tre djemtë këtë garë të madhe të muzikës. Ne kemi sjellë këtë intervistë për të zbuluar më shumë rreth tyre, ndërsa çdo të shtunë do të sjellim të tjerë konkurrentë…

Jorgji Bello: Himni i Shqipërisë, kënga ime e pare

A i i bëri të gjithë për vete qysh në interpretimin e parë me këngën “Stranger in the night” në audicionin e Elbasanit. Jorgji Bello, djaloshi 18- vjeçar nga Drenova e Korçës, në fakt sa kishte nisur rrugën e suksesit. Sot ai është pjesë e grupit “Classic boys” në “X Factor Albania”. Ja çfarë thotë për veten Jorgji: “Si njeri jam shumë i qetë, serioz dhe punëtor. Që 6 vjeç kam zbuluar talentin për këngën. Prindërit në të vërtetë e kuptuan prej një nga këngët e para që kam kënduar, që atje filloi rrugëtimi e vazhdon akoma. Ishte “Himni i Shqipërisë”, që kam kënduar para klasës. Një emocion vërtet i madh, ashtu si edhe dashuria për muzikën që kisha që fëmijë. Emigrova me familjen jashtë vendit dhe atje ku jetoja, fillova të punoj më seriozisht me muzikën. Nisa të kuptoj çfarë ishte dhe ku mund të arrish me të”, – tregon Jorgji. Pastaj mbërriti “X Factor” në Shqipëri. “Ishte ky rasti që ëndrra ime për të dalë në skenë u bë realitet. E solli “X Factor”, një ëndërr e parealizuar kaq vite dhe tani fillon gjithçka. Një jetë ndryshe nga të tjerët, një jetë ku flet me muzikën dhe i shpreh tjetrit emocionin me fjalët e këngës. Dhe ja ku jam tani, kam arritur në finalen e “X Factor” në Shqipëri, po realizohet ëndrra që kam pasur gjithmonë. Kam pasur dhe kam besim te vetja në hapat që hedh në jetën time. M’u këshillua të bëhesha grup në “X Factor”, nuk u vura poshtë, por vazhdova punën në grup, si një këngëtar i vërtetë që i provon të gjitha sfidat nëse nesër do që të bëhesh një këngëtar me emër dhe një këngëtar që ia vlen ta dëgjojnë”, – rrëfen Jorgji për rrugën që ka bërë deri në finalen e “X Factor”. Për sa i përket mentorit të tij, ai thotë: “Një nga njerëzit e mi më të dashur në televizionin shqiptar është Pandi Laço, që është edhe profesori im. Ai është një njeri serioz, që e dashuron muzikën, mund të quhet doktori i muzikës. Pandi është një nga njerëzit, për të cilët kam më shumë respekt. A dua të fitoj?! Nëse populli do të fillojë të dëgjojë muzikë të vërtetë me zemër, atëherë do të arrijmë shumë lart, dhe mund ta bëjmë.”

Gerald Murrja: Dua të bëhem një tenor i madh

G erald Murrja është 18 vjeç, nga Dibra, dhe jeton në Tiranë. Në kohën e lirë, ai angazhohet me futboll e atletikë. Synon të ndryshojë të qenit një njeri i thjeshtë. “Dëshiroj të realizoj ëndrrën për t’u bërë një tenor i madh”, – thotë Geraldi. “Njerëzit rreth meje kanë vënë re për herë të parë talentin që spikaste tek unë kur kam qenë rreth 10 vjeç. Gjithmonë më thoshin që kisha zë shumë të bukur ndaj s’duhet ta lija pas dore këngën. Që prej atij momenti, kam besuar gjithmonë te vetja dhe kurrë s’kam reshtur së kënduari. Por dëshira për të kënduar në një skenë të vërtetë ashtu siç ‘X Factor Albania’ e zotëron, ka qenë më e fortë brenda meje.” Tashmë që është në finale me grupin e tij “Classic boys”, ai tregon si e ka përjetuar atë moment. “Të futesha në finale ka qenë momenti më emocionues që kam përjetuar ndonjëherë. Nuk e kisha planifikuar më parë, por kur mora vesh se ‘X Factor’ po zhvillonte audicionet, një dëshirë për të marrë pjesë lindi brenda meje. Me besimin në vetvete, qëndrova i fortë dhe arrita të futem në finale. Kjo është pjesë e ëndrrave të mia… Të prek skenën!” Ndihet i lumtur me stafin e Pandi Laços dhe profesionistët që punojnë me të. “E ndiej që po rritem, e ndiej që po ndryshoj, e ndiej që po jetoj me të vërtetë brenda muzikës. Mendoj se ‘X Factor’ do të më japë shumë mundësi që kurrë s’do të mund t’i realizoja vetë. Promocioni, profesionalizmi dhe eksperienca e bukur që kam përjetuar në ‘X Factor’, janë një fitore për mua. Ndihem i kënaqur dhe i lumtur. ‘X Factor’ e konsideroj si një nga eksperiencat më të dobishme dhe më të bukura të jetës sime.”

Ilsi Ademi: Dua ta kaloj famën e Shqipërisë

I lsi Ademi vjen nga Shkodra dhe është anëtar i grupit “Classic boys”. “Aspiratat e mia në jetë janë të shumta, po më e rëndësishmja është që të shkel në skenat më të mëdha të operave botërore. Talentin tim e zbuloi mësuesja e muzikës në klasë të 4-t. Që atëherë muzika u bë një pjesë e pandarë e jetës sime”, – tregon Ilsi për veten. E ka ndjerë konkurrencën e fortë që vinte nga gjithë Shqipëria, Kosova e Maqedonia, por tani është në finale, e sigurisht aspiron më shumë. Është i kënaqur që Pandi është drejtuesi i kategorisë së tyre: “Mendoj që ai është personi i vetëm që mund të të çojë në rrugën drejt suksesit. Besoj që ai do të bëjë një punë të pashtershme që ne të ecim përpara”, – thotë ai. “Përderisa kam mbërritur deri në këtë stad, mendoj që edhe ta fitoj nuk është ndonjë çudi, pavarë- sisht se ka shumë konkurrencë, dhe të gjithë po luftojnë që të fitojnë.” /Koha Jone/