Tiranë, 13-vjeçari mbytet në liqenin e Farkës!

Një 13 vjeçar është mbytur sot në liqenin e Farkës. Ngjarja ka ndodhur rreth orës 14:45 minuta ku adoleshenti së bashku me dy bashkëmoshatarë të tij ishin duke u larë në këtë liqen.

Kanë qenë shokët e tij që kanë lajmëruar fillimisht prindërit, të cilat kanë lajmëruar policinë.

Ndërkohë që ky është viktima e tretë brenda dy ditëve, të cilët gjejnë vdekjen në të tilla rrethana. Në lumin e Ishmit dje u mbytën 2 të rinj.

Ata ishin duke mbledhur bidona në breg të lumit dhe më pas kanë rënë në rrjedhën e tij, ndërkohë që trupat ende nuk janë gjetur nga polumbarët e forcave RENEA. /Lajmi Fundit/