Zajmina Vasjari sjell “Bardh e Zi”, klipi merr pak klikime!

Megjithëse fotot e videoklipit më të fundit të Zajmina Vas jarit kanë disa ditë që u publikuan dhe iu bë një reklamim goxha i madh, kënga dhe videoklip i saj “Bardh e Zi” është publikuar vetëm para dy ditëve. Edhe këtë radhë Zajmina ka sjellë një këngë ritmike dhe ndoshta pritet që të kthehet në një hit veror, por momentalisht nuk është pritur me shumë kureshtja, pasi numri i klikimeve mbi të nuk i ka arritur aq sa pritej. Kënga është një bashkëpunim me reperin Cekic, i cili është momentalisht edhe menaxheri i Dafina Zeqirit, por duket se nuk ka mundur që të rrisë sado pak interesimin e fansave. Klipi është publikuar të martën dhe po të bësh një krahasim me disa kolegë të Zajminës që kanë sjellë klipe të reja gjatë kësaj periudhe, vetëm pas dy ditësh kanë pasur një numër të konsiderueshëm klikimesh. Ndoshta ky klip do të mbahet mend më shumë për imitimin që Zajmina i ka bërë veshjes së Beyonces se sa si një këngë që pretendonte të kthehej në hit, apo mungesa e saj në skenat shqiptare e ka bërë që fansat të largohen disi?