Adelina Berisha i drejtohet djaloshit që e pëlqen!

Adelina Berisha nuk ndjehet e shqetësuar për thashethemet që bëhen për jetën e saj private. Edhe pse është thënë se ajo është në lidhje dashurie me Stinën, asaj nuk i bëhet vonë, ajo përsëri ka nisur një bashkëpunim me të, ku tekstin dhe kompozimin e këngës “What’s your name” ia ka realizuar Stine. Pra kënga përveç gjuhës shqipe ka edhe disa fjalë në gjuhën angleze. Tani pritet lansimi i këtij projekti për të cilën Adelina ndjehet mjaftë e lumtur. Kënga që quhet “Si e ke emrin” trajton një temë dashurie ku me anë të së cilës Adelina i drejtohet një djaloshit që i ka pëlqyer gjithnjë. “Me këtë këngë kam dashur ti drejtohem një personit që më ka pëlqyer gjithnjë dhe akoma vazhdon të më pëlqejë. Stine ka përgatitur një tekst mjaftë të bukur që i është përshtatur kërkesës sime. Titulli dhe disa fjalë të tjera në tekst janë në gjuhën angleze, kam dashur që kjo këngë të jetë pak më e veçantë se ato të tjerat prandaj mendoj se ia kam arritur. Uroj që të pëlqehet në publik”, ka thënë ajo për “Zëri”. Sipas Adelinës kënga do të lansohet bashkë edhe me videoklip të përgatitur në Kosovë.