Suksesi i "syrit elektronik" u jep shprese te verberve!

Shkencëtarët e britanikë kane testuar me rezultate pozitive kete gjetje teknologjike.

Eksperimentet e para te syrit elektronik kanë dhënë rezultate pozitive, duke mbushur me shpresë të verbrit. “Madje i kanë kapërcyer të gjitha pritshmëritë”, kanë bërë me dije shkencëtarët e britanikë. Syri elektronik, deri më sot i impiantuar vetëm në pak paciente anglezë me të ashtuquajturën "retinit pigmentoz" (sëmundje gjenetike e syrit), po shndërrohet gjithmonë e më shumë në një shpresë konkrekte për një jetë të re, përsa u takon njerëzme me probleme shikimi.

Dhjetë persona, nën udhëheqjen e doktorëve Tim Jackson, kirurg i “King’s College Hospital”, e Robert McLaren, profesor i oftomologjisë në Universitetin e Oxford, testuan dispozitivët e fundit të Retina Implant Ag, kompania lider në zhvillimin e impianteve nenretinike. Ata ishin në gjendje të dallonin dritë, menjëherë pasi ishte aktivizuar mikroçipi. Nga testet doli sesi të verbrit kanë mundur të shohin objekte të bardha, me sfond të errët. “Jemi entuziastë që u morëm me këtë teknologji dhe që implantimi te pacientët e parë rezultoi me sukses – kanë bërë me dije specialistët -. Sukseset e shikimit të këtyre pacientëve i kapërcyen pritshmëritë tona. Kjo teknologji përfaqëson një zhvillim emocionues, një hap përpara në tentativat për t’i ofruar njerëzve me retinit pigmentoz një jetë më cilësore”.

Mësohet se “chip”-i eletkronik ka nje dimension prej 3 milimetrash, teksa nën retinë instalohen rreth 1500 elektroda. Studimet për të arritur në të ashtuquajturin “sy elektronik” kanë zgjatur 6 vjet dhe tashmë pritet vetëm aprovimi për ta nxjerrë impiantin në shitje.