Del në rrugë makina e parë pa shofer ...!!

Makina që drejtohet vetë, është zyrtarisht një realitet.

E kontrolluar nga një sistem kompjuterik, ajo është regjistruar në Nevada të SHBA-ve dhe mësohet se është projektuar nga Google.

Gjigandi i programeve kompjuterike, duket se ka investuar shumë për të krijuar të parën makinë në botë që drejtohet vetë.

Kjo makinë e shpikur nga Google, mendohet se do të zëvendësojë të gjitha gabimet njerëzore që shkaktojnë në fakt shumicën e aksidenteve rrugore.

Për këtë arsye, ajo është vlerësuar si një risi në botën e transporteve rrugore.

Kjo makinë ka udhëtuar tashmë 140.000 km dhe nuk ka krijuar asnjë problem.

Ose më saktë, vetëm një problem të vogël: Të gjithë shoferët shtangeshin ndërsa e shihnin atë në semafor, duke pritur, e ndezur, njësoj si ata ...

e.t/NOA