Topi dekreton ligjin për Gjykatën Administrative dhe hetim organesh nga EULEX!

Presidenti i vendit Bamir Topi ka dekretuar sot ligjin për Gjykatën Administrative.

Sipas ligjit të miratuar veprimtaria e Gjykatës Administrative të Shkallës së Parë do të zhvillohet në selinë e saj ndërsa gjykata mund ta zhvillojë një pjesë të veprimtarisë edhe jashtë selisë së saj, nëse kjo vlerësohet e nevojshme, lehtëson eksesin për cilëndo palë, kursen kohë ose shpenzime procedurale. Gjithashtu Gjykatat administrative të shkallës së parë organizohen së paku në numër dhe për territor të barabartë me atë të gjykatave të apelit të zakonshëm në momentin e hyrjes në fuqi të këtij ligji. Sipas ligjit të miratuar Gjykatat administrative të apelit organizohen së paku në Tiranë.

Krahas tij një tjetër dekret është dhënë nga Presidenti Topi dhe konkretisht ai që i hap rrugë hetimit të EULEX dhe prokurorëve ndërkombëtarë për të hedhur dritë mbi akuzat e ish-senatorit zviceran Dick Marty për trafik dhe transplant organesh të robërve të luftës në Kosovë, në territorin shqiptar.

Siç raporton noa.al, ligjet në fjalë “Për organizimin dhe funksionimin e gjykatave administrative dhe gjykimin e mosmarrëveshjeve administrative” si dhe ai “Për marrëdhëniet juridiksionale në çështjet penale me Task Forcën Hetimore Speciale të EULEX-it”, u miratuan më herët në parlament me kosnesus të plotë si nga mazhoranca dhe nga opozita.

a.y/noa.al