Vesta, zbulohet planeti i munguar i lindur para Tokes!

“Krijimi i Vestas regjistrohet 4.5 miliard vite më parë, përpara formimit të Tokës”, shpjegojne specialistet.

Një planet i vërtetë i lindur që përpara Tokës e që mbijetoi thuajse pa u cenuar, prej fillimeve të lindjes së sistemit diellor. Bëhet fjalë për asteroidin Vespa, një fosil astronomik, që falë të dhënave të mbledhura nga sonda Dawn, lejon nxjerrjen në dritë të momenteve të para të lindjes së një planeti, të cilit revista prestigjioze "Science" i ka dedikuar një hapësirë të gjerë, shoqëruar nga plot 6 studime.

“Krijimi i Vestas regjistrohet 4.5 miliard vite më parë, përpara formimit të Tokës”, ka shpjeguar Maria Cristina De Sanctis e Institutit të Astro Fizikës, autore e një prej artikujve të publikuar. Të dhënat e mbledhura mbi Vestën, asteroidin e dytë të sistemit diellor, mund të hedhin dritë mbi fillesën e formimit të sistemit tonë planetar dhe të planetëve në përgjithësi. Ky asteroid rezulton një farë embrioni planetesh, që ka mbetur i ngrirë në fazat e tij të para të formimit, duke i ofruar kërkuesve një panormë unike në llojin e vet, përsa i takon mekanizmave evolues të sistemit diellor.

“Vesta ka kryer hapat tipikë që kanë sjellë formimet e planetit, po ato që janë kryer edhe deri në formimin e Tokës – kanë shpjeguar specialistët -. Por ai nuk arriti dot të përfundojë rrugën e vet”. Faktikisht nuk arriti të kompletojë rritjen dhe mbeti shumë i vogël (vetëm 530 km në diametër), i shqetësuar nga prania e madhe gravitacionale e Jupiterit. Ndërkohë që thuhet se me shumë mundësi do të kishte arritur të shndërrohej në një planet të ngjashëm me Marsin. /ikub/