Njerezit me te pushtetshem ne bote!

Yjet e kinematografisë dhe artit në përgjithësi janë në qendër të vëmendjes të mediave në mbarë botën. Forbes, si çdo vit, ka hartuar një listë të veçantë me njerëzit e famshëm, që janë dhe të pushtetshëm, duke u bazuar jo vetëm në pasurinë dhe të ardhurat gjatë vitit, por edhe popullaritetin e regjistruar në mediat dhe rrjetet sociale. Për këtë vit listën e kryeson Jennifer Lopez, e ndërsa një vit më parë listën e ka kryesuar Lady Gaga. “Jenny from the Block” është sot kënga më e pëlqyer në botë, të paktën sipas revistës së famshme. Pas saj renditet ylli i amerikan Oprah Winfrey, prezantuesja më e mirë e televizioneve amerikanë. Në vend të tretë renditet idhulli i shumë të rinjve Justin Bieber. Në këtë klasifikim bie në sy prania e gjinisë femërore. Pra si njerëzit me fansat më të shumtë dhe me potencë, ndër 10 më të mirët janë shumica femra. Ato janë në gjendje të jenë ikona të stilit dhe frymëzuese për miliona njerëz. Janë të kërkuara nga fansat dhe mediat, duke marrë bindshëm edhe pushtetin e meshkujve, falë cilësive të tyre femërore.

Ky është rasti i Jennifer Lopez, një nga femrat më interesante të botës, që edhe pas një divorci të dhimbshëm ishte në gjendje të ringjallë karrierën e saj dhe imazhin, deri aty sa të kryesojë listën Forbes. Këtu ka të bëjë edhe prezantimi i saj dinjitoz në American Idol, si gjyqtare ku ka siguruar të ardhura në shifrën 56 milionë dollarë dhe një popullaritet të jashtëzakonshëm. Oprah Winfrey është më pak popullore, por shumë e pasur, me një fitim prej 165 milionë dollarë. Rihana vjen e katërta në renditje me shumën 53 milionë dollar, e ndjekur nga Lady Gaga me 52 milionë. Por nuk mbetet pas dhe ylli i kinematografisë Tom Cruise i cili shkon në vlerën 75 milionë dollarë, i ndjekur nga regjisori Steven Spielberg në shumën 130 milionë dollarë.

Lista

1. Jennifer Lopez (52 mln dollarë)

2. Oprah Winfrey (165 mln dollarë)

3. Justin Bieber (55 mln dollarë)

4. Rihanna (53 mln dollarë)

5. Lady Gaga (52 mln dollarë)

6. Britney Spears (58 mln dollarë)

7. Kim Kardashian (18 mln dollarë)

8. Katy Perry (45 mln dollarë)

9. Tom Cruise (75 mln dollarë)

10. Steven Spielberg (130 mln dollarë) (NOA)