Forbes: Xhenifer Lopez, mbretëresha e re e botës!

Këtë vit, renditja botërore e femrave me më shumë ndikim në botë, nuk ka në krye të saj një të tillë që vjen nga bota e politikës siç kanë qenë vitet e fundit kancelarja gjermane, Angela Merkel apo zonja e parë amerikane, Mishel Obama. Këtë herë, femra më e pushtetshme e botës, vjen nga bota e muzikës dhe e artit dhe është e mirënjohura xhenier Lopez. Kështu, sipas klasifikimit të revistës Forbes, ajo e ka merituar këtë renditje jo vetëm për shumën monetare që ka fituar në vitin e kaluar, e cila mësohet se ka qenë më e larta nga të gjithë. Por edhe se vlerësohet të ketë qenë ylli më i dashur nga fansat e saj. Me 52 milionë dollarët e saj si të ardhura, Lopez mësohet se ka tejkaluar në këtë klasifikim edhe këngëtaren tjetër të famshme në botë, Lady Gaga, e cila mësohet se ka rënë 5 vende në këtë listim. /e.t/noa/