Eurovision, Rona çonë Shqipërinë në finale!

Rona duartrokitet gjatë nga publiku në Eurovision. Përfaqësuesja e Shqipërisë në Festivalin Evropian të Këngës – Eurovision, Rona Nishliu, është kualifikuar në finalen e këtij evenimenti që po zhvillohet në Baku të Azerbajxhanit. Rona, e cila ishte e pesta në renditje, gjatë performancës së saj në natën e parë gjysmëfinale, mbizotëroi skenën dhe transmetoi ndjenja te publiku me një interpretim mjaft emocional, ndërsa mori ovacione për vokalin e jashtëzakonshëm. Ajo e meritoi kualifikimin, ishte e mrekullueshme, ndërsa zëri i saj bëri që salla të shpërthente me ovacione. Sa i përket prezantimit skenik – ajo kishte veshur një fustan me një jakë të lartë, dhe një pelerinë të kaltër mbi pantallona të zeza. Skena ishte e errët, ku ngjyra dominuese ishte e kuqja. Kënga “Suus” është një vepër e Florent Boshnjakut, ndërsa tekstin e ka shkruar vetë këngëtarja nga Kosova. Triumfi në Festivalin e Këngës në RTSH i ka mundësuar Ronës rrugëtimin drejt Bakusë, ku në garën e madhe të këngës evropiane përfaqëson Shqipërinë.

Rona duartrokitet gjatë nga publiku në Eurovision

Këngëtarja që përfaqëson Shqipërinë në Eurovision ka rrëmbyer të gjatë të spektatorëve të pranishëm në sallë.

Është shoqëruar me të forta dy herë gjatë këngës Rona Nishliu, që përfaqëoi Shqipërinë në Eurovizion. Pas performancës, ajo doli nga skena me lot në sy.

Këngëtarja kosovare Rona Nishliu tha në një intervistë për RTK para performancës se këngën ia dedikonte tragjedisë së Himarës. “Në radhë të parë dua të shpreh ngushëllimet për familjarët e viktimave. Një tragjedi që na ka goditur të gjithëve, madje jashtëzakonisht shumë edhe mua sonte më vështirëson këtë përgjegjësi që kam”.

“Jemi të ndikuar dhe të prekur nga ajo që ka ndodhur – tha Rona në linjë telefonike nga Azerbajxhani – Bashkarisht këtë performancë do ja dedikojmë situatës”.
Rona Nishliu, me zërin e saj ka tërhequr vëmendjen e të pranishmëve me këngën “Suus”. Kënga e Nishliut ishte e pesta në radhë në natën e parë gjysmëfinale.

Për shkak të ditës kombëtare të zisë për tragjedinë e Himarës, festivali nuk është transmetuar nga Radio Televizionin Shqiptar. Gjysmën finalja e parë e Eurovisionit pritet të transmetohet nesër nga RTSH-ja.

Një fakt i tillë u vu në dukje dhe nga prezantuesja e festivalit.