Teleskop 800 milione euro, mbi pjesen e “erret” te Universit!

Evropa i ka dhënë aprovimin final një misioni hapësinor, për të hetuar mbi atë që cilësohet si "Universi i errët". Teleskopi "Euklid" do të duhet të shohë në kozmos, mbi të dhëna të natyrës së materies së zezë dhe energjisë së errët. Këto fenomene dominojnë Universin dhe ende shkencëtarët nuk dinë thuajse asgjë konkrete mbi to. Shtetet anëtare të Agjencisë Hapësinore Evropiane (Esa) kanë marrë vendimin në një takim të zhvilluar në Paris.

Gjithsesi, Euklidi s'do të jetë gati për lëshim përpara vitit 2019. Shtetet e ESA-s patën zgjedhur teleskopin si mjetin e përshtatshëm që në tetor të vitit të kaluar, por vendimi i fundit i Komitetit të Programit të Shkencës (SPC) do të thotë se kushtet teknike dhe financiare janë krijuar, për të proceduar më tej. Kostoja e ndërtimit, lëshimit dhe aktivizmit të "Euklid" parashikohet të jetë minimumi 600 milionë euro, teksa pritet të kapë edhe 800 milionë. Shtetet anëtarë do të bëjnë të mundur sigurinë e gjatëssnë së valës së kameras së Euklidit, plus një kamere me rrezet infra të kuqe e spektrometër. Gjithashtu, SHBA-së i është ofruar dhe duhet të pranojë një rol të vogël që arrin në 5% të misionit. Agjencia amerikane e Hapësirës (NASA) do të kontribuojë, duke realizuar detektorët me rreze infra që i nevojiten "Euklidit". /ikub/