Në 2015-n, gati udhëtimet me pasagjerë drejt orbites henore!

Një kompani britanike bëhet gati të nisë udhëtime historike drejt Hënës. Quhet Excalibur Almaz dhe zotëron një flotë të vërtetë anijesh hapësinore tepër të sofistikuara, që brenda vitit 2015 mund të dërgojnë pasagjerë në orbitën hënore. E gjitha do të bëhet e mundur, nëse pasagjerët do të kenë përgatitjen e duhur psiko-fizike, por sidomos nëse do të paguajnë "biletën" që vlen 100 milionë sterlina.

Gjithçka për të garantuar vajtjen në një nga stacionet hapësinor sovjetikë të blera nga sipërmarrësi amerikan Art Dula, i cili shprehet: "Nuk ka asnjë mjet privat, apo publik, që është në gjendje të sigurojë një fluturim me ekuipazh drejt orbvitës hënore, duke përdorur teknologjitë aktuale. Jemi gati të shesim biletat. Katër kapsula të ripërdorshme RRv do të mund të dërgojnë nga 3 pasagjerë drejt stacionit hapësinor orbital, për t'i rikthyer më pas në Tokë".

Kosto e këtyre strukturave është tepër konfidenciale, ndërkohë që dihet vetëm se udhëtimi drejt Hënës do të përfshijë edhe një xhiro rreth orbitës dhe një kthim në Tokë, falë parashutave të RRV. Çdo kapsulë mund të përdoret 15 hgerë dhe çdo stacion hapësinor ka një jetëgjatësi prej 15 vjetësh. /ikub/