Shkëlqimi dhe rënia e Rihannas!

Ligjet e fizikës thonë se gjithçka që ngrihet, një ditë rrëzohet…Ngritja dhe rënia e një karriere, të një personaliteti, apo të një star quality për asnjë arsye s’ka pse të jetë rast i veçantë. E si të mos bindemi, kur ne sot bëhemi dëshmitarë të “rënies” së njërës prej figurave më të mëdha në fushën e muzikës në gjithë botën, të Rihanna. Me të vërtetë ajo mund të jetë vetëm 24-vjeçe, por tashmë bukuroshja dhe vajza seksi nga Barbados numëron plot 7-vjet karrierë. Albumi i saj i parë, doli në qarkullim më 2005-ën, ndërsa një vit më vonë qarkulloi albumi i saj i dytë me titull “A girl Like Me”. Ishte pikërisht ky album që e ngriti në piedestal, sigurisht dhe me ndihmën dhe udhëzimet e të famshmit Jay Z. Ishte ky i fundit, ai që e ktheu atë në super yll dhe me hits-et e saj të kapin numri 1 dhe të pasonin njëra tjetrën.

Kush mund të harrojë suksesin saj të madh “Umbrella”, që të gjithë e adhuruam së bashku me bukurinë dhe talentin e saj, si dhe sukseset e shumta që pasuan!

Edhe pse thonë; për shkatërrimin e një mashkulli, gjithmonë fajtore është një femër, po për rënien e madhe të Rihanna kush është fajtor?!

Sigurisht që fajtor është Chris Brown, star-i irritues me të cilin RiRi pati marrëdhënie. Nuk ishte kurrë mashkull për… shtëpi, por diku nga viti 2008 gjendja doli jashtë kontrollit, ku këngëtarja e famshme anuloi një sërë koncertesh si pasojë e nxirjeve që ajo kishte në fytyrë dhe në trup, të shkaktuara nga… i “dashuri” i saj!