Publikoi fraze raciste ne Twitter, atletja greke përjashtohet nga “Londer 2012”

Një koment i papërshtatshëm mbi emigrantët afrikanë i publikuar në rrjetin shoqëror Twitter, i ka kushtuar shtrenjtë Voula Papachristou: atletja greke është përjashtuar nga Olimpiada e Londrës, për arsye se ka shkruar një batutë me konotacion racist.

"Me aq shumë emigrantë afrikanë në Greqi, mushkonjat që vijnë nga Nili, të paktën marrin ushqim vendas", kishte shkruar atletja. Mesazhi i konsideruar si racist ka shtyrë krerët e sportit grek për të marrë masën drastike. Kështu, Papachristou është e para viktimë e normave, që kanë të bëjnë deri edhe me përdorimin e rrjeteve sociale. E kotë ka rezultuar ndjesa e saj: "Më vjen shumë keq dhe ndihem vërtet fajtore. S'doja të ofendoja askënd, aq më tepër të shkelja të drejtat njerëzore. Do të doja t'u kërkoja ndjesë të gjithë atyre që u ndjenë të fyer. Endrrat e mia janë të lidhura me Olimpiadën, mirëpo e di që s'mund të marr pjesë nëse nuk respektoj vlerat e këtyre Lojrave...".(telegraph)