“Gladiatori” Russell Crowe humb busullen, e shpeton roja bregdetare!

Aktori ishte nisur me kajakun e tij nga porti i Cold Spring, në shoqërinë e një miku, por kur ra nata, humbi orientimin

Një xhiro dëfryese me kajak është shndërruar në një telash të vogël. S'bëhet fjalë për skenarin e ndonjë filmi, megjithëse protagonist ka qenë "Gladiatori" Russell Crowe. Aktori ishte nisur me kajakun e tij nga porti i Cold Spring, në shoqërinë e një miku, por kur ra nata, ata të dy kanë humbur orientimin dhe kanë mbetur në mes të detit. Roja bregdetare ishte duke kontrolluar zonën rreth orës 22:00, kur dëgjoi britmat e Crowe, kështu që u afruan dhe ndihmuan yllin dhe mikun e tij, për t'u kthyer andej nga ishin nisur. "Në të vërtetë nuk ishte një shpëtim i vërtetë - ka deklaruar përgjegjësi i rojes detare, Robert Swieciki -. Në fakt kishin nevojë vetëm për një 'auto-stop'". Më vonë, Crowe i ka falënderuar përmes Twitterit ata që e ndihmuan. (Vogue)