Rita Ora, “Shine Ya Light” në Prishtinë!

Pop këngëtarja nga Britania, me prejardhje kosovare, Rita Ora, ka qëndruar në fundjavë në Kosovë, ku dhe ka kryer xhirime për video-klipin “Shine Ya Light”. Pop këngëtarja nga Britania, me prejardhje kosovare, Rita Ora, ka qëndruar në fundjavë në Kosovë, ku dhe ka kryer xhirime për video-klipin “Shine Ya Light”. Qindra kosovarë e kanë pritur atë, si në Aeroportin e Prishtinës, ashtu edhe para pallatit të Rinisë, ku këngëtarja me famë botërore, ka kryer xhirime mbi obeliskun “Newborn”, i cili simbolizon lindjen e shtetit të ri të Kosovës dhe është vendosur në qytet në ditën e shpalljes së pavarësisë, më 17 shkurt të 2008-ës. “Jam në Kosovë!!! Është e pabesueshme. Është xhirimi më i mirë që kam bërë! Le ta bëjmë!”, ka shkruar Rita Ora në rrjetin social, Twitter. Britanikja, Daily Mail, e ka shënuar vizitën e pop këngëtares në Kosovë, duke thënë se “ajo u kthye te rrënjët e saj” për të kryer xhirime për spotin e ri.

Ylli, shkruan Daily Mail, “dëshiron të ndihmojë që ta vendosë fuqishëm vendin e saj në hartë, duke xhiruar videoklipin e fundit në qytet”.

Rita Ora ka arritur suksesin e madh në Britani, me hitet e saj, të cilat janë ngjitur në majë të toplistave botërore.

Rita ka lindur në Prishtinë, dhe është zhvendosur në Britaninë e Madhe, kur ishte vetëm njëvjeçare./yllpress/