Je impulsiv apo i ndrojtur? Nuk e ke ti ne dore!

Je i etur për gjëra të reja dhe i gatshëm për t’u hedhur në sulm, apo i frikësuar, i kujdesshëm dhe i turpshëm?

Dy llojet e temperamentit, nuk janë aspak në dorën tënde.

Pasi ti lind si i tillë, falë aftësisë që ke të fiksuar në trurin tënd për shfaqjen e vetëm njërit prej tyre gjatë jetës.

Këtë e pohon një studim i fundit i kryer në universitetin “La Sapienza” të Romës, i cili tregon sesi truri i vogël luan një rol kyç në përcaktimin e dallimeve individuale në personalitet.

Dhe se kategoria e parë e personave që ka në fakt këtë pjesë të trurit të zhvilluar në veçanti, paraqitet më impulsiv, ndërsa kategoria e dytë, pra të ndrojturit, e kanë këtë pjesë të trurit, në një madhësi të konsiderueshme më të vogël.

Studimi, i publikuar në revistën shkencore "Human Brain Mapping", është i pari që trajton pikërisht këtë marrëdhënie, mes trurit dhe temperamentit njerëzor.

Hulumtuesit që e realizuan atë, mblodhën të dhëna nga shumë subjekte të shëndetshme, duke kombinuar teknikat e imazheve neuro, dhe masave strukturore të personalitetit të lidhura me tiparet e temperamentit.

Sipas këtij modeli, nëse karakteri është i ndikuar nga mjedisi dhe arsimi, temperamenti ynë është i përcaktuar gjenetikisht.

"Ne hetuam një pikë strukturore të trurit, i cili ka më shumë gjasa të jetë e lidhur me personalitetet, - thanë hulumtuesit – dhe vumë re se strukturat e saj, veçanërisht në aspektin e vëllimit të tyre, mund të jenë të lidhur me tiparet që na shfaqen gjatë jetës”, pohuan studiuesit.