Genta e BB5 “bëhet nuse”

Ajo është një nga personazhet më të diskutuara të edicionit të pestë të “Big Brother”. Që nga pjesëmarrja në këtë shou real, emri i saj është lidhur vetëm me skandale. Fotot ku shfaqej e zhveshur tërhoqën vëmendjen e gjithkujt dhe u diskutuan gjatë. Po ashtu skandali i lidhjeve paralele të Gentës mbushi faqet e gazetave. Pas daljes nga “Big Brother”, vajza nga fshati Baban u përfol për një abort dhe madje u publikua edhe fotoja e ekografisë së fëmijës. Të gjitha këto skandale nuk janë aspak të lehta për t’u përballuar, sidomos për një njeri që bëhet i njohur brenda një kohe të shkurtër, dhe për më tepër është rritur në fshat e nuk e njeh botën e “të famshmëve”. Genta është vajzë e zgjuar por edhe naive e duket se nga kjo është përfituar duke ekzagjeruar. Por njëherësh ky personazh ka një aftësi të veçantë që edhe situatat më të pakëndshme t’i kthejë në favorin e saj duke u shfaqur e buzëqeshur, si këtë herë. Pas skandalit të abortit ajo vjen me një set fotografik në të cilin ka pozuar e veshur si nuse. /Bluetooth/