Të gjithë harrojnë të paktën 5 gjëra në ditë!

Gjërat e rëndësishme nuk i harrojmë, por vogëlsirat gati çdo ditë. Kështu njerëzit gjithmonë do të kryejnë atë që është dashur në punë, por do të harrojnë të kthejnë telefonatën. Keni harruar të thërrisni dikë, të blini diçka në dyqan apo t’ia uroni ditëlindjen shoqes? Mos u brengosni, ky është rezultat normal i stilit modern të jetës, ka zbuluar anketa britanike. Më shumë se gjysma e njerëzve konsiderojnë që shpesh harrojnë sepse tentojnë të bëjnë sa më shumë gjëra në një kohë sa më të shkurtër, derisa një e katërta mendojnë që kanë marrë për së tepërmi detyra apo obligime për t’i mbajtur mend. Problemi përkeqësohet me moshë, ndërsa numri i gjërave që i harrojmë dyfishohet në pleqëri. Mesatarisht çdo ditë njerëzit harrojnë pesë gjëra që është dashur t’i kryenin, ndërsa më së shpeshti të kthejnë telefonatën ose të përgjigjen në e-mail. “Harrojmë gjërat themelore, ndërsa mbajmë mend ato të komplikuarat. Kështu nuk do të harrojmë të kryejmë çka kemi filluar në punë, por do të harrojmë të gjuajmë mbeturinat”, ka thënë zëdhënësi i kompanisë që ka kryer hulumtimin “Avery”, Gregg Corbet.

Rreth 12 për qind e njerëzve çdo vikend zgjohen jashtë vetes, sepse kanë harruar të ndalin alarmin që i zgjon për punë. Shtatë nga dhjetë njerëz kanë pranuar që nuk mund të jetojnë më pa listën e tyre të obligimeve, sepse në të kundërtën do të harrojnë diçka.

20 gjëra që i harrojmë më së shpeshti

1.Të kthejmë telefonatën, së cilës nuk kemi mundur t’i lajmërohemi
2.Të përgjigjemi në e-mail
3.Emrat e njerëzve
4.Të urojmë ditëlindjen
5.Të mbushim telefonin
6.Passwordet
7.Ta nxjerrim mishin nga frizi
8.Të ujisin lulet
9.Të marrim letrat nga printeri
10.Të hedhim mbeturinat
11.Të lajmë rrobat
12.Të fikim alarmin
13.Të marrim me vete ushqimin në punë
14.Çelësat
15.Syzat
16.Kuletën
17.Përvjetorët
18.Të lajmë duart
19.Ku e kemi parkuar automobilin
20.Ku kemi lënë diçka në shtëpi./femina/